रत्ननगर, साउन ८ । बृद्धबृद्धा तथा परमआनन्द हरिर्कितन समुह रत्ननगरको विहीबार कार्यालय उद्घाटन गरिएको छ ।
रत्ननगर वडा नं २ वडा कार्यालयसंगै रहेको धार्मिक भवनमा हरिर्कितन समुहको कार्यालय स्थापना गरी उद्घाटन गरिएको हो । रत्ननगर नगरपालिकाका उपमेयर यादबप्रसाद पाठकले एक औपचारिक कार्यक्रमका बीच कार्यालय उद्घाटन गरेका हुन् ।
सो अबसरमा उनले धर्मसंस्कृतिले मान्छेलाई अनुसासनमा बाध्ने भन्दै समाज विकासको एउटा महत्पूर्ण पाटो धर्मसंस्कृति पनि भएको बताए । धर्मसंस्कृति विर्सिएर मान्छे छाडा भएका छन् उनले भने नयाँ पुस्तालाई धर्मसंस्कृतिको महत्व बुझाउन जसरी छ ।
समुहका अध्यक्ष रामप्रसाद ढुंगानाको अध्यक्षतामा भएको कार्यक्रममा वडा नं २ की कार्यबहाक वडाध्यक्ष राधादेवी विक, नगर स्तरीय ज्येष्ठ नागरिक समन्वय समितिका अध्यक्ष छविलाल घिमिरेले मन्तव्य राखेका थिए ।
स्वागत मन्तव्य राख्दै समुहका बरिष्ठ उपाध्यक्ष चन्द्रकान्त ओझाले हरिर्कितन समुहले धर्मसंस्कृतिको संरक्षणको लागि हरिर्कितनसंगैसंगै नयाँ र पुरानापुस्तालाई संगैराखेर बाध्यबाधन तालिम गरिसकेको र निकट भविश्यमा शंख बजाउने तालिम आयोजना गर्ने तयारी गरेको बताए ।
समुहका सचिव रामहरि लम्सालले सञ्चालन गरेको उक्त कार्यक्रममा समुहका संरक्षण बाबुराम पोखरेलको जन्मदिनको अबसरमा बृद्धबृद्धाहरुलाई साउने खिर खुवाइएको थियो ।
कार्यक्रममा जिल्ला समन्वय समितिका सदस्य संजिव पौडेल, वडा नं २ की वडा सदस्यहरु रमादेवी भट्टराई, नरेन्द्र श्रेष्ठ, वडा सचिव गंगा सुवेदी लगायतका समाजका अगुवाहरु सहभागी थिए ।
