रत्ननगर, असार ५ । प्रधानमन्त्री रोजगार कार्यक्रम अन्तर्गत चितवनको कालिका नगरपालिका वडा नं. २ मा ४० दिने कार्यस्थलमा आधारित निःशुल्क पल्म्बर तालिम तथा १० दिने जीवन उपयोगी सिप, उधमशिलता बिकास र बित्तिय व्यपस्थापन तथा अभिलेखिकरण तालिम दिईएकोछ ।
क्रियटिभ स्कील्स प्रा. लि विरगञ्जले प्रदान गरेको तालिम बिहीबार समापन गरिएको छ । सोही अवसरमा कार्यक्रमका प्रमुख अतिथि कालिकाका नगर प्रबक्ता तथा वडा नं. २ का वडा अध्यक्ष लक्ष्मण पौडेलले तालिममा सहभागिहरुलाई प्रमाणपत्र प्रदान गरे ।
कार्यक्रममा बोल्दै पौडेलले महिला दिदी बहिनीहरू अरूमा आश्रीत नभईकन आफैमा निर्भर हुनुपर्ने बताए । वडा नं. २ ले महिला लक्षित विभिन्न किसिमका कार्यक्रमहरू सञ्चालन गरिरहेको बताए । आम्दानिको श्रोत बढाउन आजैदेखि आफूले सिकेको सिपको सहि सदुपयोग गर्नुपर्नेमा जोड दिए ।
उनले भने, “जीवन उपयोगी सीपले जीवनमा आइपर्ने समस्या र चुनौतीलाई सामान गर्न सिप आवश्यक छ, सीपले जिम्मेवारी बनाउनुका साथै बौद्धिक क्षमतामा समेत सहयोग पुर्याउछ ।”
वडा सदस्य शान्ति महतोले तालिममा छलफल भएका र सिकेका विषयलाई आफ्नो जीवनमा लागू गर्न अनुरोध गरिन् ।
क्रियटिभ स्कील्स प्रा.लि विरगञ्जका प्रबन्ध निर्देशक रबिन्द्र श्रेष्ठको अध्यक्षतामा सम्पन्न भएको कार्यक्रममा, कालिका नगरपालिकाका रोजगार सहायक लक्ष्मण पौडेल, कार्यक्रम संयोजक वर्षा धिमिरे लगाएतले मन्तव्य राखेका थिए ।
धन प्रसाद सुवेदीले प्रशिक्षण दिएको तालिममा २० जनाको सहभागीता रहेको थियो ।
