मंसिर २ । विश्वकप छनोट अन्तर्गत गएराति भएको खेलमा जर्मनीले स्लोभाकियामाथि शानदार जित निकालेको छ ।
घरेलु मैदानको फाइदा उठाउँदै जर्मनीले स्लोभाकियाको पोस्टमा ६ गोल गरेको हो । स्लोभाकियाले भने जवाफी गोल गर्न सकेन।
खेलको १८ औं मिनेटमा निक वोल्टेमाडेको गोलमा अग्रता लिएको जर्मनीका लागि २९ औं मिनेटमा सेर्ज ग्राब्रीले अग्रतालाई दोब्बर बनाए । उसका लागि पहिलो हाफमै थप दुई गोल लिरोय सानोले २६ र ४१ औं मिनेटमा गरे ।
पहिलो हाफमा ४–० को अग्रता लिएको जर्मनीले दोस्रो हाफमा थप दुई गोल गरेको हो । उसका लागि खेलको ६७ औं मिनेटमा रिडले बाकुले पाँचौ गोल गरे भने ७९ औं मिनेटमा अस्सान ओएद्रागोले गोल गर्दै ६–० को शानदार जित निश्चित गरेका हुन् । यो जितसँगै जर्मनी २०२६ को विश्वकपमा छनोट भएको छ । एजेन्सी
