रत्ननगर, भदाै २९ । थारू समुदायका महिलाले मनाउने जितिया पर्वकाे अवसरमा पूर्वी चितवनकाे रत्ननगर नगरपालिकाले भाेली (साेमबार) सार्वजनिक बिदा दिएकाेछ ।
नगरपालिकाले एक सूचना जारी गर्दै थारु समुदायका महिलाहरुको महान पर्व जितियाको अवसरमा सम्पूर्ण नगरबासीहरुलाई सुख, शान्ती र समृद्धिको हार्दिक मंगलमय शुभकामना व्यक्त गर्दै थारु समुदायका महिलाहरुको महान पर्व जितियाको अवसरमा भाेली ३० गते सोमबारका दिन यस रत्ननगर नगरपालिका भित्रका सम्पूर्ण विद्यालयहरुमा विदा दिने र नेपाल सरकारको निर्णयानुसार जितिया पर्व मनाउने थारु समुदायका कर्मचारीहरुको लागि बिदा दिने निर्णय नगर प्रमुख प्रलाद सापकाेटाद्वारा जारी गरेकाे बिज्ञप्तीमा जनाईएकाेछ ।
जितिया पर्वको मुख्य दिन भाेली (साेमवार) उपास (व्रत) परेको छ । थारू समुदायले मनाउने प्रमुख चाड मध्येको जितिया पर्व भाद्र कृष्ण पक्षको सप्तमीदेखि नवमीसम्म मनाउने गरिन्छ ।
यस अवसरमा सो समुदायका महिला झम्टा नाच नाच्दै गाउँदै जितिया मनाउने गर्दछन् ।
