इलाम, जेठ २६ । पूर्वी नेपालको इलामका एक जना युवाले चिया बेचेर आफ्नो गाउँठाउँ सरसफाई गर्दै आएको पाइएको छ ।
सुर्यदय नगरपालिका वडा नं १० इलाम निवासी सुनिस लामाले थर्मशमा चिया बेचर फोहोर व्यवस्थापन र सरसफाईको काम गर्दै आएका हुन् ।
२२ बर्षीय लामाले दाई चिया समुह बनाएर इलाम इलाम सरसफाई अभियान चलाएका छन् । उनीहरुको अभियान सातौं हप्तामा प्रवेश गरिसकेको छ । उनको समुहमा नौं जना युवाहरु छन् ।
सरसफाई अभियानको निरन्तरताको लागि लामालाई स्थानीय रोशन श्रेष्ठले अभिभावकत्व प्रदान गरेका छन् । लामाले चिया बेचर आम्दानी भएको पैसाले माक्स, ग्लोब्स खरिद गर्छन भने उनैले दाई चिया लेखेको टिर्सट किनेर युवाहरुलाई लगाइदिन्छन् ।
दीगो फोहोर व्यवस्थापन नहुँदा इलाम जिल्लामा प्रर्दुशण बढ्दो अबस्थामा रहेको छ । पर्यटकीय गन्तव्यको रुपमा प्रख्यात इलाममा फोहोर व्यवस्थापन हुन नसकेको लामाले बताए ।
“प्लाष्टिक तथा शिसाजन्य फोहोरले इलामा कुरुप बन्दै गएको छ लामाले भने इलामलाई प्रर्दुशणको जोखिमबाट जोगाउन सरसफाई अभियान चलाएका छौं । चिया बचेर सरसफाई अभियान चलाउदा समेत त्यस तर्फ सरकारको ध्यान जान सकेको छैन् ।”
उनीहरुको सरसफाई इलाम, फिकल बजार तथा भालुढुंगामा केन्द्रित रहेको छ । स्थानीयले फोहोर फालेको ठाउँलाई सरसफाई गरी लामा नेतृत्वको टिमले सयपत्री फुल खेती सुरु गरेको छ ।
चितवनमा संरक्षण, सरसफाई र विपद् व्यवस्थापन क्षेत्रका अगुवा रत्ननगर निवासी बसन्त रानासंग एकहप्ता लामाको भेट भयो । राज्यले गर्नुपर्ने काम एउटा युवाले चियाबेचर आर्जन गरेको पैसाले गरेको देख्दा राना अचम्वित भए ।
इलामका लामाले गरेको काम अनुुसरण गर्न लायक मात्र छैन् रानाले भने यो उदाहरणीय पनि छ । इलामका फुर्बा वाइवा, रुपन चाम्लिङ राइले पनि इलामको विभिन्न ठाउँमा सरसफाईको काम गरिरहेका छन् ।
