जेठ २३ । विश्वकप फुटबल छनोट अन्तर्गत दक्षिण अमेरिकी छनोट समूहमा ब्राजिल र इक्वेडर बिचको खेल बराबरीमा सकिएको छ ।
गएराति भएको खेलमा दुवै टोलीले गोल गर्न नसकेपछि अंक बाँड्न बाध्य भएका थिए । जारी प्रतियोगितामा १५ खेलबाट २४ अंक जोडेको इक्वेडर दोस्रो स्थानमा छ भने ब्राजिल २२ अंकसहित चौथो स्थानमा छ ।
कार्लोस एन्सेलोटीको डेब्यु भएका कारण सो खेललाई प्रतीक्षाका साथ हेरिएको थियो । गएराति नै भएको अर्को खेलमा पाराग्वेले उरुग्वेलाई २–० गोलले हरायो ।
पाराग्वेका लागि मारियस गालाजा र जुलियो इनिसयो पेनले गोल गरेका थिए । एजेन्सी
