रत्ननगर, जेठ १५ । चितवनकको कालिका-१ सूर्यपुरमा रहेको श्री राष्ट्रिय माध्यमिक विद्यालय शमीपुरमा प्रजातान्त्रीक प्रक्रियाद्वारा विद्यार्थीहरुले आफ्नो नेतृत्व चयन गरेका छन् ।
विद्यालयले निर्वाचन तथा सुपरिवेक्षण समिति गठन गरी मतदाता नामावली प्रकाशन, उम्मेदवारी दर्ता, उम्मेदवारी उपर दावी विरोध, उम्मेदवारको अन्तिम नामावली प्रकाशन, प्रचार प्रसार समय र मौन अवधि, मतदान समय समेत गरि ८ दिनको निर्वाचन तलिका प्रकाशन गरे अनुसार बिहिवार बिहान चाैथाे नमुना मतदान भएको हो ।
प्रमुख निर्वाचन अधिकृत तथा विद्यालयका प्राधानाध्यापक धर्मेन्द्र रायमाझीका अनुसार कक्षा ४ देखि १० सम्मका विद्यार्थीहरुको सहभागितामा विद्यालयका ४ वटा हाउसहरुबाट १/१ जनाका दरले ४ जना विद्यार्थीहरुले प्रतिनिधि सभा उमेदवार स्कुल कप्तानका लागि उमेदवारी दिएका थिए भने ४/४ वटा हाउसहरुबाट १/१ जनाका दरल ८ जनाले प्रदेश ‘क’ र प्रदेश ‘ख’ को लागि उप कप्तानका उमेदवारी दिई प्रतिष्पर्धामा भाग लिएका थिए ।
जस मध्य प्रशन्ना पौड्याल १०६ मत प्राप्त गर्दै स्कुल कप्तनामा बिजयी भएकीछन् भने उप कप्तान ‘क’ मा सन्दिप वाईवाले १३९ मत प्राप्त गर्दै निर्वाचित भए । यस्तै उप कप्तान ‘ख’ मा जेनिश पाख्रिन र पुष्पा लामाले समान ८८/८८ अंक प्राप्त गरेको हुँनाले गोला प्रथा गराईएको थियो । गोला प्रथाबाट उप कप्तान ‘ख’ मा जेनिश पाख्रिन बिजयी भए ।
यसै क्रममा विद्यालयले प्रत्येक वर्ष यसैगरी मतदानद्वारा विद्यार्थीहरुको नेतृत्व चयन गर्ने र विद्यार्थीको शैक्षिक गुणस्तरमा थप टेवा पुग्नुका साथै, यस्ले लोकतन्त्रको सुन्दर पक्ष आवधिक निर्वाचनको व्यवहारिक अभ्यास भई विद्यार्थीहरुमा नेतृत्व गर्न सक्ने क्षमताको विकास भएको जानकारी दिए ।
