रत्ननगर, असार १८ । लायन्स क्लब अफ चितवन कालिकाको अध्यक्षमा अमृत लामीछाने चयन भएका छन् । क्लबको हालै सम्पन्न अधिवेशनले लामीछानेको नेतृत्वमा २०२५/०२६ का लागि नयाँ समिति चयन गरेको हो ।
समितिको प्रथम उपाध्यक्षमा लायन महादेव प्रसाद हुमागाई, द्वितीय उपाध्यक्षमा लायन ईश्वर भट्टराई, तृतीय उपाध्यक्षमा ईश्वर कुमार श्रेष्ठ, सचिवमा लायन झलक भट्ट, कोषध्यक्षमा लायन लालु प्रसाद दाहाल चयन भएका छन् ।
क्लबको एक समारोहबीच मंगलवार पदहस्तान्तरण सम्पन्न भएको छ । क्लवका संस्थापक अध्यक्ष तथा कालिका नगरपालिकाका नगर प्रमुख विनोद रेग्मीको प्रमुख आतिथ्यतामा तथा वर्ष २०२४/०२५ का अध्यक्ष लायन हरि कुमार श्रेष्ठले वर्ष २०२५/०२६ का अध्यक्ष लामीछानेलाई पद हस्तान्तरण गरेका हुन् ।
सो समारोहमा क्लबका संस्थापक अध्यक्ष तथा कालिका नगरपालिकाका नगर प्रमुख रेग्मीले क्लबलाई सामाजिक सेवामा थप क्रियाशील बनाउँदै लैजानुपर्नेमा जोड दिए । लायन्स सदस्यहरुको संख्या बढाउँदै जानुपर्ने उनले बताए ।
