रत्ननगर, जेठ १५ । माधवपुरमा जारी माधवपुर गोल्डकपको दोश्रो सेमिफाइनलमा आज (बिहीबार) एपीएफ र न्यू पञ्चदिप युवा क्लब भिड्दैछन् । दिउँसो ४ बजे माधवपुर खेलमैदानमा हुने खेलको विजेताले फाईनलमा अभिषेक चर्च रजहरको सामना गर्नेछ ।
प्रतियोगिताको समूह चरणको खेलमा एपीएफले आयोजकलाई र न्यू पञ्चदिप युवा क्लबले प्याराडाईज युवा क्लब सिसुवारलाई हराउँदै सेमिफाईनलमा प्रवेश गरेका थिए ।
हिजो भएको पहिलो सेमिफाइनलमा हेटौडा फुटबल एकेडेमीलाई हराउँदै अभिषेक चर्च रजहर फाईनलमा प्रवेश गरिसकेको छ ।
प्रतियोगिताको फाईनल खेल जेठ १७ गते हुनेछ । माधवपुर खेलकुद विकास समितिले आयोजना गरेको प्रतियोगितालाई एक्पर्ट एजुकेशन एण्ड भिषा सर्भिसेजले मुख्य प्रायोजन गरेको छ ।
