आज २०८२ साल माघ २८ गते बुधबार फागुन कृष्ण पक्षको नवमी तिथि । विज्ञानमा महिला पहुँचको अन्तर्राष्ट्रिय दिवस । तदनुसार सन् २०२६ फेब्रुअरी ११ तारिख । नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। ज्योतिष पण्डित सूर्यनाथ लुइटेलले तयार पार्नुभएको आजको फलादेश:
मेष : भएको सम्पत्ति सदुपयोग गर्नुहोला । साथीभाइसँग सहकार्य गरेर अगाडि बढ्दा फाइदा हुनेछ । शिक्षामा ढिलासुस्ती हुनेछ । मिहिनेतलाई निरन्तरता दिनु राम्रो हुन्छ । परिवारसँगको सम्बन्ध सुमुधर बन्नेछ ।
वृष : धनलक्ष्मी योग परेको छ । लगानीका क्षेत्रमा हिम्मत गरेमा फाइदा हुनेछ । काम गर्दा सचेत भएर गर्नुपर्ने दिन छ । मानसम्मान प्राप्त होला । पारिवारिक जमघट हुने सम्भावना छ ।
मिथुन : तपाईंको कला र गलाको प्रशंसा हुनेछ । परिवारको साथ मिल्नेछ । रोगबाट बच्न खानपानमा ख्याल गर्नुपर्नेछ । कुनै शुभकर्ममा सहभागी हुने मौका मिल्नेछ । साथीभाइसँगको भेटले मनमा खुसी प्राप्त हुनेछ।
कर्कट : सञ्चित धन खर्च हुनेछ । अनावश्यक क्षेत्रको खर्चबाट जोगिनु पर्ने दिन छ । उपचारकोक्रममा भए स्वास्थ्यमा सुधार हुनेछ । परिवारसँग बसेर रमाइलो गर्ने योग परेको छ । शिक्षाको क्षेत्रमा गरेको लगानीबाट फाइदा हुनेछ ।
सिंह : आम्दानीका दृष्टिले दिन राम्रो छ । शिक्षाको क्षेत्रमा मिहिनेत गरेमा सफलता मिल्नेछ । साथीसँग सहकार्य गरेमा फाइदा हुनेछ । बिहान उठेर पिपलको दर्शन गरेर दिनको सुरुवात गरेमा दिन सहज बन्नेछ ।
कन्या : बौद्धिक क्षेत्रका साथीसँग सहकार्य गरेमा फाइदा हुनेछ । स्वास्थ्यमा सुधार हुँदा मनमा खुशी मिल्नेछ । परिवारसँग घुमघामको तय हुनेछ । राज्यको तर्फबाट भने त्रासको योग रहेको छ ।
तुला : दिन राम्रो छ । आज धन लाभ हुनेछ । विद्याका क्षेत्रमा गरेको प्रयास सफल बन्नेछ । खुट्टा तान्ने साथी सक्रिय भएकाले काम गर्दा सचेत बन्नुपर्नेछ । आक्रोश सार्वजनिक गर्नुभन्दा समस्याको समाधान गर्नु उचित हुनेछ ।
वृश्चिक : आज तपाईको बोलीको प्रभावले काम बन्ने दिन छ । क्षमताको प्रदर्शन गर्न पछि नहट्नु उचित हुनेछ । साथीभाइबाट साथ मिल्नेछ । रोग बढ्नेछ । परिवारको साथ र सहयोग मिल्नेछ ।
धनु : दिन राम्रो छ । आज सोचेको काम बन्नाले मन प्रशन्न हुनेछ । परिवारको साथ मिल्नेछ । स्वदेशमा गरेको लगानीबाट फाइदा हुनेछ । विदेशमा भन्दा स्वदेशमा देखिएका अवसरमा रमाउने योग छ ।
मकर : खर्च बढ्नेछ । उपचारमा भए स्वास्थ्यमा सुधार हुनेछ । शिक्षामा निजी तरिकाले गरेको लगानीबाट फाइदा हुनेछ । स्वास्थ्यमा समस्या हुनेछ । संकटमा परिवारको साथ र सहयोग प्राप्त हुनेछ ।
कुम्भ : शिक्षाका क्षेत्रमा सफलता मिल्नेछ । थोरै बोलेर जित्नुपर्ने समय छ । परिवारको साथ र सहयोग प्राप्त हुनेछ । प्रेम सम्बन्ध सुमधुर बन्नेछ ।
मीन : तपाईंको कला र गलाको प्रशंसा हुनेछ । मनको कुरा लुकाएर राख्नु भन्दा परिवारसँग साट्नु उचित हुनेछ । साथीभाइले भने असहयोग गर्नेछन् ।
