रत्ननगर, माघ १७ । प्रगतिशिल लोकतान्त्रिक पार्टीले चितवन क्षेत्र नं १ मा चुनावी अभियानलाई तीब्र बनाएको छ ।
जेन-जी आन्दोलनका अगुवा विकास कामीलाई उम्मेदवार बनाएको सो पार्टीले चुनावी एजेण्डा प्रस्तुत गर्दै काकीको पक्षमा भोट मागिरेहको छ ।
यसैक्रममा शनिबार खैरहनीको मगनीचोकमा सो पार्टीले सम्पर्क कार्यालय स्थापना गरी उद्घाटन गरेको छ ।
सो पार्टीका क्षेत्रीय इन्चार्ज तथा निर्वाचन परिचालन समितिका संयोजक झनक पौडेलको अध्यक्षतामा भएको कार्यक्रममा जिल्ला संयोजक सविन न्यौपाने र जिल्ला इन्चार्ज दीपक शाहीले सयुक्त रुपमा सम्पर्क कार्यालय उद्घाटन गरेका थिए ।
सो अबसरमा कार्यक्रमका प्रमुख अतिथि शाहीले देशमा सच्चिकै परिर्वतन र युवाहरुको चहना अनुसारको विकासका लागि प्रगतिशिल लोकतान्त्रिक पार्टी स्थापना भएको बताए ।
संयोजक न्यौपानेले देशमा ठुलो परिर्वतन हुँदा पनि जनताको जीवन स्तरमा सुधार आउन नसकेको भन्दै सर्वहारा जनताकाे हितको लागि प्रगतिशिल लोकतान्त्रिक पार्टी चुनाबमा होमिएको बताए ।
उम्मेदवार विकास कामीले सर्वहारा किसान र युवाहरुको समस्या सामधानको लागि आफुले उम्मेदबारी दिएको भन्दै सच्चा र इमान्दार व्यक्तिको पहिचान गरी मतदान गर्न आग्रह गरे ।
क्षेत्रीय सचिव लेखनाथ भूषालले सञ्चालन गरेको उक्त कार्यक्रम नेता केदार रिजालले स्वागत मन्तव्य राखेका थिए ।
सम्पर्क कार्यालय उद्घाटन लगतै उम्मेदवार कामीले पत्रकार सम्मेलनको आयोजना गरी घोषणापत्र तथा साझा संकल्प सार्वजनिक गरेका छन् ।
उनले सुकुमबासीलाई लालपूर्जा वितरण र वडा स्तरमा मल बैंक स्थापनालाई जोड दिएर घोषणपत्र तथा साझा संकल्प सार्वजनिक गरेका हुन् ।
उमेदवार कामीले सकुमबासीलाई लालपूर्जा वितरणसंगै किसानले भोग्दै आएका समस्या निराकरणलाई चुनावी मुद्धा बनाएका छन् ।
जेनजी आन्दोदनपछि जन्मिएको प्रगतिशिल लोकतान्त्रिक पार्टीबाट उमेदवार बनेका कामीले आफुले काठमाडौंमा जेनजी आन्दोलनको अगुवाई गरेको भन्दै युवा पुस्ताले खेजेको परिर्वतनलाई आत्मसाथ गर्दै विपन्न र किसानहरुको समस्या सामधान गर्न चुनावी मैदानमा आएको बताए ।
