रत्ननगर, भदाै २९ । थारू समुदायका महिलाले मनाउने जितिया पर्वकाे अवसरमा पूर्वी चितवनकाे कालिका नगरपालिकाले भाेली (साेमबार) सार्वजनिक बिदा दिएकाेछ ।
नगरपालिकाले एक सूचना जारी गर्दै चितवनका थारु समुदाय लगायत तराईका थारू समुदायको महान चाड “जितिया पर्व” को पावन अवसरमा देश विदेशमा रहनुहुने सम्पूर्ण कालिकाबासी आमा, बुबा, दाजुभाई तथा दिदी बहिनीहरुमा सुख, शान्ति, समृद्धि एवं उत्तरोत्तर प्रगतिको हार्दिक मंगलमय शुभकामना व्यक्त गर्दै भाेली भदाै ३० गते कालिका नगरपालिका अन्तर्गतका वडा कार्यालयहरु, स्वास्थ्य संस्थाहरु (अत्यावश्यक सेवा बाहेक), नगरभित्रका सामुदायिक तथा संस्थागत विद्यालयहरु, बैंक तथा वित्तिय संस्था साथै निजी संघसंस्था र निकायहरुमा समेत १ दिन सार्वजनिक बिदा दिने निर्णय भएको प्रमुख प्रशासकीय अधिकृत देवराज चाैलागाईद्वारा जारी गरेकाे बिज्ञप्तीमा जनाईएकाेछ ।
जितिया पर्वको मुख्य दिन भाेली (साेमवार) उपास (व्रत) परेको छ । थारू समुदायले मनाउने प्रमुख चाड मध्येको जितिया पर्व भाद्र कृष्ण पक्षको सप्तमीदेखि नवमीसम्म मनाउने गरिन्छ ।
यस अवसरमा सो समुदायका महिला झम्टा नाच नाच्दै गाउँदै जितिया मनाउने गर्दछन् ।
