माडी, भदाै १५ । चितवनकाे माडीमा जारी ३०औँ राष्ट्रिय स्तरकाे स्टार कप फुटबल प्रतियाेगितामा प्याराडाइज युवा क्लब सिसुवार सेमिफाईनलमा प्रवेश गरेकाे छ ।
माडीकाे बसन्तपुर युनाईटेड क्लबलाई २-१ गाेल अन्तरले पाखा लगाउदैं डिफेन्डिङ च्याम्पियन प्याराडाईजले सेमिफाईनलमा स्थान सुरक्षित गरेकाे हाे ।
प्रतियाेगितामा विजयी टाेलीका राज भुसाल एक्लैले दुई गाेल गरेका थिए भने पराजित बसन्तपुरका लागि संदिप बाेटले सान्त्वना गाेल गरेकाे आयाेजक स्टार स्पाेर्ट युवा क्लबका पूर्वसचिव टिकाराम सुवेदीले जानकारी दिए ।
प्रतियाेगिता अन्तर्गत क्वाटरफाईनलकाे अन्तिम खेलमा १६ गते साेमबार आयाेजक स्टार स्पाेर्ट युवा क्लब बरूवा र भरतपुर -२४ युवा तथा खेलकुद समितिकाबिचमा प्रतिस्पर्धा हुनेछ ।
स्टार स्पाेर्ट युवा क्लब बरूवाले नेपाली महिलाहरुको महान पर्व हरितालिका तीज र जितियाको अवसर पारी माडीको बरुवामा आयोजित ३०औं स्टार कप फुटबल प्रतियाेगिताकाे विजेताले विजेता टोलीले ट्रफी, मेडल र प्रमाणपत्र सहित नगद पुरस्कार रु. २ लाख ५१ हजार १११ रुपैंया पाउनेछन्, त्यसतै उपविजेता टीमले मेडल र प्रमाणपत्र सहित नगद रु. १ लाख २५ हजार ५५५ रुपैंया पाउनेछ भने विधागत उत्कृष्ट खेलाडीहरुलाई समेत पुरस्कृत गरिने आयोजक क्लबका अध्यक्ष सन्देश बरालले जानकारी दिए ।
प्रतियाेगितामा १० टाेलिकाे सहभागिता रहेकाे छ ।
