रत्ननगर, भदाै ५ । चितवनकाे कालिका नगरपालिकाे खगेरीखोलामा वेपत्ता भएका वृद्धको शव फेला परेकाेछ । बुधवार देखि बेपत्ता भएका कालिका वडा नं. ५ पदमपुरका अन्दाजी ७२ वर्षिया दशरथ महताेको शब कामिनीघाट नजिकै बिहीवार बिहान ८ बजे फेला परेको हो ।
बुधवार भैसी चराउन गएका चौधरी भैसी धपाउन खोलामा जानेक्रममा डुबेर बेपत्ता भएका थिए । बुधवार स्थानीय, सुरक्षाकर्मी, नेपाली सेनाको टोली, नगरप्रहरी खोजीकार्यमा जुटेपनि भेटाउन सकेन ।
खगेरीखोलाको छेउछाउँमा बढेको झाडीसँगै जंगली जनावर र गोहीको डरका कारण राती खोजीकार्य स्थगीत गरेका थिए ।
आज (बिहीवार) विहानैदेखि खोजी कार्य सुरु गरिएको थियो । स्थानीयहरुले खोज्ने क्रममा डुबेकै ठाउँ नजिकै भंगालोमा उनको शब डुबेकै अवस्थामा फेला पारेको प्रहरीले जनाएकाे छ ।
