कालिका । चितवनको कालिका नगरपालिका वडा नम्बर ११ ले आफ्नो विकट भूमी सैपामका सामाजिक सुरक्षा भत्ता लाभग्राही लक्षित गर्दै एक दिने सामाजिक सुरक्षा भत्ता परिचय पत्र नवीकरण शिविर सञ्चालन गरेको छ।
उक्त शिविरमा ४ जना एकल महिला र ७ जना जेष्ठ नागरिक गरी जम्मा ११ जनाको सामाजिक सुरक्षा भत्ता परिचय पत्र नवीकरण गरिएको साथै, एक जना ४० वर्षीय एकल सुकु तामाङको अनलाईन नागरिकता सिफारिस गरिएको वडा सचिव तुलसी लामिछानेले जानकारी दिनुभयो ।
सैपामबाट कालिका नगरपालिका वडा नम्बर ११ को कार्यालयसम्म आइपुग्न जेष्ठ नागरिकलाई निकै समस्या भएका कारण यो महत्वपूर्ण शिविर सञ्चालन गरिएको वडा अध्यक्ष कृष्ण बहादुर प्रजाले जानकारी दिनुभयो ।
