साउन ८ । जर्मनीलाई १-० ले हराउँदै विश्व विजेता स्पेन महिला युरो कप फुटबलको फाइनलमा प्रवेश गरेको छ।
निर्धारित समय गोलरहित बराबरीमा सकिएको सो खेलको अतिरिक्त समयमा फिफा वर्ष खेलाडी अवार्ड विजेता आइटाना बोनमातीले गोल गरेकी हुन्।
खेल सकिन सात मिनेट बाँकी रहँदा खेलमा पछाडि परेको जर्मनीले त्यसपछि लगातार आक्रमण गरे पनि स्पेनकी गोलरक्षक काटा कोलले त्यसलाई बिफल बनाएकी थिइन्। उपाधिका लागि स्पेनले इंग्ल्यान्डको सामना गर्ने छ।
सन् २०२३को विश्वकपको फाइनलमा पनि इंग्ल्यान्ड र स्पेन एक आपसमा खेलेका थिए। खेलको दोस्रो हाफमा स्पेनले लगातार आक्रमण गरे पनि जर्मनी रक्षापक्तिले स्पेनलाई रोक्न सफल भएको थियो। एजेन्सी
