बारा, असार १८ । बाराको जितपुरसिमरा उपमहानगरपालिका–२ स्थित जगदम्बा स्टिल उद्योगको भट्टीमा विस्फोट हुँदा केही मजदुर घाइते भएका छन्।
इलाका प्रहरी कार्यालय सिमराका डिएसपी वेदप्रकाश जोशीका अनुसार घटनामा ठूलो मानवीय क्षति भने नभएको प्रारम्भिक जानकारी आएको छ।
“केही मजदुर सामान्य घाइते भएका छन्। घटनाको विस्तृत विवरण संकलन भइरहेको छ,” डिएसपी जोशीले जानकारी दिए।
घटनाको कारण खुल्न नसकेको र प्रहरीको टोली घटनास्थलमा पुगेर अनुसन्धान थालिएको जनाइएको छ।
स्थानीय बासिन्दाका अनुसार भट्टी पड्किएसँगै उद्योग परिसरमा ठूलो आवाज सुनिएको थियो। जगदम्बा स्टिल बारा जिल्लाको एक प्रमुख औद्योगिक प्रतिष्ठान हो, जहाँ दैनिक सयौं मजदुर कार्यरत छन्। घाइतेको संख्या, अवस्थाबारे विस्तृत विवरण आउन बाँकी छ।
