काठमाडौँ, असार १८ । ५२ संवैधानिक पदाधिकारी नियुक्तिविरुद्धको रिटमाथि सर्वोच्च अदालतको इजलासमा फैसला पढेर सुनाइँदैछ ।
प्रधानन्यायाधीश प्रकाशमानसिंह राउत,न्यायाधीशहरू सपना प्रधान मल्ल, मनोजकुमार शर्मा, कुमार चुँडाल र नहकुल सुवेदी संवैधानिक इजलासमा बिहान ११ बजेदेखि छलफलमा जुटेका थिए ।
२०७७ माघ र २०७८ असार गरी दुई चरणमा गरिएका संवैधानिक नियुक्तिविरुद्ध दायर १५ वटा रिटमाथिको सुनुवाइ गत जेठ १ गते नै सकिएको थियो ।
सुनुवाइ सकिएपछि गत जेठ २८ गते निर्णय सुनाउने मिति तय भएको थियो । त्यसदिन अन्य मुद्दाहरू हेर्न नभ्याइनेमा राखेर न्यायाधीशहरुले छलफलमा समेत जुटेका थिए ।
