जेठ २७ । विश्वकप फुटबलको युरोपेली छनोट अन्तरगत गएराति भएको खेलमा बेल्जियमले वेल्समाथि सनसनीपूर्ण जित निकालेको छ।
समूह जेको खेलमा बेल्जियमले वेल्सलाई ४-३ गोल अन्तरले हराएको हो। सुरुवातमा नै ३-० ले अघि रहेको बेल्जियमविरुद्धमा वेल्सले उत्कृष्ट कमब्याक गरेपछि खेलको अवस्था ३-३ थियो।
रोबर्टो लुकाकुले अग्रता दिलाएको खेलमा युरि टालेसमेन र जेरेमी डोकुले थप गोल गरे पनि पहिलो आधा घण्टामा नै बेल्जियमले ३-० को अग्रता लिएको थियो।
बेल्जियमको दोस्रो हाफमा विल्सनको पेनाल्टी गोलमा खेलमा फर्किएको थियो। सोर्बा थोमस र ब्रेना जोन्सनले गोल गरे ६९ औँ मिनेट खेल बराबरीमा पुगेको हो। ८८ औँ मिनेटमा बेल्जियमका लागि केभिन डु ब्रायनले गोल गरे।
समूहमा उत्तरी मेसोडेनिया ८ अङ्कसहित शीर्ष स्थानमा छ। चार खेलमा ७ अङ्क जोडेको नर्वे दोस्रो स्थानमा छ। बेल्जियम दुई खेलमा ४ अङ्कसहित तेस्रो स्थानमा छ। काजकिस्तान तीन खेलमा ३ अङ्कसहित चौथो स्थानमा छ।
शीर्ष स्थानमा पुग्ने क्रममा उत्तरी मेसोडोनियाले सोमबार भएको खेलमा काजकिस्तानलाई १-० ले हराएको छ। सो खेलमा ट्राभ्सकोस्कीले ३३ औँ मिनेटमा विजयी गोल गरेका थिए। एजेन्सी
