रत्ननगर, जेठ १८ । चितवनको कालिका नगरपालिका वडा नं. ७ ले सम्मान गर्दै १ सय २ जना ज्येष्ठ नागरिकलाई ब्लाङ्केट र टावेल बितरण गरेको छ ।
आर्थिक वर्ष २०८१/०८२ को वडाको बजेटबाट रू १ लाख ९० हजार बराबरको फाईबरको ब्लाङ्केट र टावेल बितरण गरेको हो ।
जेष्ठ नागरिक सम्मान कार्यक्रम अन्तर्गत आइतवार ८० वर्ष भन्दा माथिका १ सय २ जना वृद्धवृृद्धाहरूलाई घर घरमै पुगि खादा सहित सम्मान गरी बाङ्केट र टावेल बितरण गरिएको वडा अध्यक्ष कमलराज मुक्तानले जानकारी दिनुभयो ।
पछिल्लो समय घर–परिवारमा ज्येष्ठ नागरिक एक्लै भएको हुँदा उहाँहरूलाई स्थानीय सरकार साथमा रहेको आभास दिलाउन ज्येष्ठ नागरिक सम्मान कार्यक्रम अन्तर्गत ब्लाङ्केट र टावेल वितरण गरेको उहाँले बताउनुभयो ।
वडा अध्यक्ष मुक्तानले भन्नुभयो, “हाम्रो वडासँगै राष्ट्र निर्माणमा ज्येष्ठ नागरिकको ठूलो योगदान छ । उहाँहरुलाई हामीले बिर्सनु हुँदैन,” “घर परिवार र समाजका हरेक ब्यक्ति ज्येष्ठ नागरिकको उच्च सम्मान गर्नुपर्छ, यस कार्यक्रमलाई आगामी दिनमा निरन्तरता दिने उहाँको भनाईछ ।
यसैगरी, कालिका वडा नं. ७ ले हिडडुल गर्न नसक्ने वृद्धवृद्धाहरुलाई घर घरमै पुगेर समेत सामाजिक सुरक्षा भत्ता वितरण गर्दै आईरहेकोछ ।
जेष्ठ नागरिक सम्मान तथा ब्लाङ्केट र टावेल वितरण कार्यक्रममा वडा सदस्य महेश श्रेष्ठ, सन्त वहादुर सिंजाली, शर्मिला अधिकारी, रमु नेपाली, वडा सचिव मधुकुमार थापा र कार्यालय सहायक समीक्षा चौधरीको सहभागिता रहेको थियो ।
