रत्ननगर । लियो क्लव अफ चितवन कालिकाले “बालमैत्री स्थानीय शासन निर्माणमा संघ संस्थाहरुको भुमिका” शीर्षकमा आयोजना गरेको नगर स्तरीय बतृत्व कलामा शिखा चौधरी प्रथम, शाश्वत अर्याल द्धितिय र तबिता प्रजा तृतीय भएकाछन् ।
लियो क्लव अफ चितवन कालिकाका अध्यक्ष लियो अनिश दुलालको अध्यक्षतामा सम्पन्न भएको कार्यक्रममा कालिका नगरपालिकाका नगर प्रमुख विनोद रेग्मी प्रमुख अतिथि र उपप्रमुख बिमला तामाङ विशिष्ट अतिथि रहेका थिए । कार्यक्रममा महिला बालबालिका शाखा अधिकृत सविना श्रेष्ठ, लियो जिल्ला परिषदका निवर्तमान अध्यक्ष लियो लायन किरण लामिछाने, नवनिर्वाचित वर्ष २०२५/२६ का अध्यक्ष लियो लायन विज्ञान पौडेल लगाएत अन्य बोर्डका सदस्यहरु र छिमेकी क्लबका अध्यक्षहरुको उपस्थिति थियो ।
