आज २०८२ साल वैशाख १२ गते शुक्रबार। वैशाख कृष्ण पक्षको द्वादशी तिथि। तदनुसार सन् २०२५ अप्रिल २५ तारिख। विश्व औलो दिवस। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। ज्योतिष पण्डित सूर्यनाथ लुइटेलले तयार पार्नुभएको आजको फलादेशः
मेष : आज तपाईंको लागि दिन सामान्य छ। संकटमा साथीको सहयोग प्राप्त हुनेछ। धन र ज्ञान आर्जनका लागि संघर्ष गर्नुपर्नेछ। शिक्षामा गरेको लगानीले उत्साह बढाउने छ।
वृष : दिन राम्रो छ। लामो समयदेखि रोकिएका काम बन्नेछन्। तपाईंको विरोध गर्ने साथी कमजोर हुनेछन्। वैदेशिक क्षेत्रको लगानीबाट फाइदा हुनेछ। बढी खर्च गर्ने बानीले परिवारमा भने विवाद हुनसक्छ।
मिथुन : तपाईंका लागि आजको दिन राम्रो छ। रोकिएको काम बन्नेछ। परिवारसँग खुशी साट्ने अवसर मिल्नेछ। शिक्षामा सफलता प्राप्त हुनेछ। व्यापारमा लाभ हुनेछ। प्रेम सम्बन्ध सुमधुर रहनेछ।
कर्कट : आजका लागि तपाईंको दिन राम्रो छ। सामाजिक क्षेत्रमा तपाईंको सम्मान हुनेछ। शिक्षामा लगानी गरेको भए उत्साह बढ्नेछ। परिवारसँगको सम्बन्ध सुमधुर बन्नेछ।
सिंह : दिन सामान्य छ। अप्ठेरो परिस्थितिमा परिवारको साथ र सहयोग मिल्नेछ। शिक्षामा गरेको मिहिनेतको नतिजा राम्रो मिल्नेछ। पेट सम्बन्धी समस्या देखिने भएकाले खानपानमा विशेष ख्याल गर्नु राम्रो हुनेछ।
कन्या : दिन राम्रो छ। लगानी र श्रमबाट उचित फल प्राप्त हुने योग छ। बोल्दा सोचेर बोल्नु राम्रो हुन्छ। स्वदेशको लगानीमा मन खुशी हुनेछ। प्रेम सम्बन्ध सुखमय बन्नेछ।
तुला : दिन सामान्य छ। तपाईंका कुरा काट्ने साथी सक्रिय हुनेछन्। आफ्नो श्रमको कदर नहुँदा मन उदास हुनेछ। शिक्षा र स्वास्थ्यमा गरेको लगानीले उत्साह बढाउने छ। परिवारको साथ मिल्नेछ।
वृश्चिक : श्रम बढी गर्नुपर्ने दिन छ। खानपानकै कारण शरीरलाई रोगले सताउने जोखिम छ। शिक्षामा लगानी गरेको भए राम्रो नतिजा प्राप्त हुनेछ। परिवारको साथ र सहयोग प्राप्त हुनेछ।
धनु : दिन संघर्षपूर्ण छ। मिहिनेत गरेमा व्यापारको क्षेत्रमा फाइदा हुनेछ। वैदेशिक क्षेत्रमा श्रम गरेमा उपलब्धि हात लाग्नेछ। अप्ठेरो परिस्थितिमा मन शान्त बनाएर अगाडि बढ्नुपर्नेछ। प्रेम सम्बन्ध सुमधुर बन्नेछ।
मकर : दिन राम्रो छ। शिक्षा क्षेत्रमा प्रगति हुनेछ। परीक्षा लेखेको भए राम्रो नतिजा प्राप्त हुनेछ। परिवारको साथ र सहयोग निरन्तर प्राप्त हुनेछ। व्यापारमा नाफा आर्जन हुनेछ। प्रेम सम्बन्ध सुमधुर बन्नेछ।
कुम्भ : दिन सामान्य राम्रो छ। सञ्चित धन खर्च हुनेछ। विश्वास पात्रले धोका दिने जोखिम छ। धार्मिक कार्यमा सहभागी भएर दिनको सुरुवात गर्नु राम्रो हुनेछ। परिवारसँगको सम्बन्ध सुमधुर बन्नेछ।
मीन : दिन सामान्य छ। धन आर्जन गर्ने समय भए पनि हरेक क्षेत्रमा थप मिहिनेत गर्नुपर्नेछ। स्वदेशमा भन्दा विदेशमा गरेको लगानीबाट फाइदा हुनेछ। परिवारसँगको सम्बन्ध सहज बन्नेछ।
