रत्ननगर – रत्ननगरको वडा नं. १५ माधवपुरमा रहेको आधारभूत विद्यालय नमुनाटोलले ३६ औं वार्षिकोत्सव तथा अभिभावक दिवस मनाएको छ ।
विहिबार विद्यालयले वार्षिक प्रतिवेदन सार्वजनिक, पुरस्कार वितरण, पुर्व अध्यक्ष तथा पुर्वप्रधानाध्यापकलाई सम्मान गरि वार्षिकोत्सव मनाईएको हो । कार्यक्रममा प्रधानाध्यापक बसन्त पौडेलले वार्षिक प्रतिवेदन र साबिकको सिकाई उपलब्धी र आगामी सिकाई उपलब्धी प्रक्षेपण प्रस्तुत गरेका थिए ।
कार्यक्रममा तिनजना उत्कृष्ट अभिभावकहरुलाई सम्मान गरिएको छ । आफ्ना नानिबाबुहरुको सरसफाई, गृहकार्य र विद्यालयमा नियमित सम्तपर्कमा रही बालबालिकाहरुको सिकाई उपलब्धीको बारेमा जानकारी राख्ने उत्कृष्ट अभिभावकहरुलाई सम्मान गरिएको हो ।
यस्तै विद्यालयका संस्थापक विद्यालय व्यवस्थापन समिति अध्यक्ष शिवप्रसाद लामिछाने र संस्थापक प्रधानाध्यापक गोकर्ण खनाललाई पनि सम्मान गरिएको छ। कार्यक्रममा गतसालको नगरस्तरीय परिक्षामा उच्चतम उपलब्धी स्कोर प्राप्त गर्ने शिक्षक तारा चौधरीलाई समेत सम्मान गरिएको छ ।
विद्यालय व्यवस्थापन समितिका अध्यक्ष रामकृष्ण खड्काको सभापतित्वमा भएको कार्यक्रममा वडाध्यक्ष आशिक तामाङ प्रमुख अतिथिको रुपमा उपस्थित थिए । कार्यक्रममा बोल्दै तामाङले विद्यालयको भौतिक तथा शैक्षिक विकासमा सहयोग गर्ने सहयोगीदाताको प्रशंसा गर्दै असजिलोका बाबजुद पनि सामुदायिक विद्यालयको नतिजा उत्कृष्ट भएको बनाउन मेहेनत गर्ने सबैलाई धन्यवाद दिए ।
कार्यक्रममा शिक्षक राजेन्द्र घिमिरेले स्वागत मन्तव्य राखेका थिए भने अर्का शिक्षक दुर्गा पन्तले कार्यक्रम संचालन गरेकी थिइन् । वि.स २०४६ सालमा स्थापना गरिएको विद्यालयमा हाल कक्षा १ देखि ८ सम्म २०० जना बढी विद्यार्थी अध्ययनरत छन् ।
