चितवन, माघ १५ । पूर्वी चितवनको कालिका नगरपालिका वडा नं. ६ मा रहेको मा.वि रेडक्रसग्राम विद्यालयको प्राङ्गढ भित्र सरस्वती मन्दिरको शिलान्यास गरिएको छ ।
कालिका नगरपालिकाका नगर प्रमुख विनोद रेग्मी, कालिका ६ का वडा अध्यक्ष टिकाराम रेग्मीले र विद्यालयका प्राधानाध्यापक नन्दलाल लामिछानेले सयुक्त रुपमा मन्दिरको शिलान्यास गर्नुभयो ।
शिलान्यास कार्यक्रममा बोल्दै नगर प्रमुख रेग्मीले बिद्याकी खानी सरस्वतीको मन्दिर शिलान्यास गर्न पाउँदा खुशी लागेको बताए । उनले शिक्षा भन्दा ठुलो कुरा संसारमा अरु केही नभएको बताउँदै कुनै पनि देशको सफलतामा शिक्षाको सबैभन्दा ठुलो भुमिका हुने उनको भनाईछ ।
विगत लामो समयदेखि विद्यालयमा सरस्वतीको मन्दिर राख्ने अधुरो सपनालाई साकार पार्नको लागि विद्यालयका शिक्षक, अभिभावकको सक्रियता र सहयोगमा सरस्वती मन्दिरको शिलान्यास गरिएको प्रधानाध्यापक लामिछानेले जानकारी दिनुभयो ।
