रत्ननगर, असार १३ । चितवनको रत्ननगर-२, टाँडी बजारमा अत्याधुनिक प्रविधि र उपकरणसहितको ‘रत्न डेन्टल क्लिनिक’ सञ्चालनमा आएको छ । भरपर्दो, गुणस्तरीय र सर्वसुलभ दन्त स्वास्थ्य सेवा प्रदान गर्ने उद्देश्यका साथ ७५ वर्षीय स्थानीय ज्येष्ठ नागरिक बासुदेव श्रेष्ठले एक समारोहका बिच क्लिनिकको औपचारिक उद्घाटन गर्नुभएको हो ।
क्लिनिकमा दाँतको परीक्षण, सफा गर्ने र चम्काउने, दुखेको दाँतको जरादेखि उपचार गर्ने (आरसीटी), दाँत भर्ने, नयाँ दाँत हाल्ने तथा डिजिटल एक्स-रे लगायत दाँत र मुख सम्बन्धी सम्पूर्ण उपचार गरिने सञ्चालक डाक्टर रिबिका श्रेष्ठले जानकारी दिनुभयो ।
शुभारम्भको अवसर पारेर क्लिनिकले बिरामीहरूका लागि विशेष छुटको व्यवस्था समेत गरेको छ, जस अन्तर्गत दाँत जाँच पूर्ण रूपमा नि:शुल्क गरिएको छ भने दाँत सफा गर्दा ३० प्रतिशत, आरसीटी र क्याप सेवामा १५ प्रतिशत तथा अन्य सम्पूर्ण सेवाहरूमा १० प्रतिशत सम्मको छुट प्रदान गरिएको डाक्टर श्रेष्ठले बताउनुभयो ।
