काठमाडौँ, भदौ २५ । जेन-जी पुस्ताको जुम भर्चुअल बैठकमा अन्तरिम सरकारको नेतृत्व सम्हाल्ने विषयमा पूर्वप्रधानन्यायाधीश सुशीला कार्कीको धारणा बुझ्नेबारे छलफल भएको छ।
जेन-जी समूह अन्तरिम सरकार निर्माणार्थ प्रधानसेनापति अशोक सिग्देलसँगको वार्ताका लागि पूर्वप्रधानन्याधीश कार्कीलाई अगाडि बढाउने निचोडनजिक पुगे्का छन् । तर उनीहरूले यो निचोड निकाले पनि हालसम्म कार्कीसँग सवाद हुन सकेको छैन ।
उनले अन्तरिम सरकारको नेतृत्व लिन्छिन् या लिन्नन् भन्नेबारेमा जेन-जी समूहले धारणा बुझ्न लागेका हुन् । अहिले जेन-जी पुस्ताका केही नेता कार्कीको धारणा बुझ्न टेलिफोन संवादमा छन् ।
कार्कीलाई नेतृत्व स्वीकार्ने विषयमा जेन-जी समूह करिब करिब एकमत भएको देखिान्छ । जेन-जी समूहले प्रधान सेनापति सिग्देलसँग वार्ताका लागि कार्कीलाई अगाडि बढाउन चाहेको देखिन्छ । तर हालसम्म कार्कीसँग संवाद नभएकाले धारणा बुझ्न लागएको हो ।
बैठकमा जेनजी पुस्ताले कुनै राजनीतिक दलसँग आबद्ध भएको युवा र नेतृत्व वार्तामा जान नहुने सहमति जुटाएका छन् ।
जुम बैठकमा जेन-जीले कार्कीलाई स्वीकारेर जान सकिने त्यससपछि बालेनन्द्र साह र सागर ढकालहरू पनि विकल्प हुन सक्ने बताएका थिए । तर अहिलेलाई सबैभन्दा उपयुक्त पात्र कार्की नै रहेको निचोड निकालिएको छ ।
