विश्वकप लिग-२ : स्कटल्यान्ड आठ विकेटले विजयी
जेठ ३ । आइसिसी क्रिकेट वर्ल्ड कप लिग–२ मा संयुक्त अरब इमिरेट्स ९युएई०ले कमजोर प्रदर्शन कायमै राखेको छ।
बुधबार भएको खेलमा स्कटल्यान्डले युएईलाई आठ विकेटले हरायो। १६२ रनको झिनो लक्ष्य स्कटल्यान्डले दुई विकेटको क्षतिमा १५४ बल बाँकी रहँदा पुरा गरेको हो।
जितपछि स्कटल्यान्ड १५ खेलमा १८ अङ्क सहित चौथौँ स्थानमा छ। युएई १६ खेलमा ६ अङ्क सहित सातौँ स्थानमा छ।
स्कटल्यान्डलाई जित दिलाउने क्रममा जर्ज मुन्सेले ४५ बलमा ५६ रन जोडे। ब्रेन्डन म्याकमुलेनले अविजित रहँदै ५१ बलमा ५० रनको योगदान गरे। कप्तान रिची बेरिङटनले पनि अविजित रहँदै २८ बलमा ३५ रन बनाए।
यसअघि टस जितेर पहिले ब्याटिङ गरेको युएईले ४७.५ ओभरमा सम्पूर्ण विकेट गुमाउँदै १६१ रन बनाएको थियो। युएईका मोहम्मद बसिमले ६१ रन जोडे। स्कटल्यान्डका ब्राड कुरी र म्याकमुलेनले समान तीन विकेट लिए। एजेन्सी
