बैशाख २९ । फिलिपिन्समा अहिले मध्यावधि अन्तर्गत आमनिर्वाचन भइरहेको छ ।
३१७ सदस्यीय कांग्रेस तथा सयौँ गभर्नर, मेयर तथा शहरका काउन्सिलरका लागि ६ करोड ८० लाख मतदाताले मतदान गर्नेछन् ।
फिलिपिन्सको राजनीतिमा परम्परादेखि नै प्रभाव जमाइरहेका दुई पारिवारिक शक्तिबीचको सङ्घर्ष यस निर्वाचनमा पनि देखिएको छ ।
सिनेट निर्वाचनमा राष्ट्रपति ‘बङबङ’ मार्कस जुनियर र उप राष्ट्रपति सारा डुटरेट पक्षधरबीच प्रतिस्पर्धा हुनेछ । उपराष्ट्रपति सारा पूर्वराष्ट्रपति रोड्रिगो डुटरेटकी छोरी हुन् ।
निर्वाचनमा राष्ट्रपति मार्कोसकी दिदी इमि मार्कोस भने उपराष्ट्रपति डुटरेटको तर्फबाट सिनेट सदस्यमा उम्मेदवार भएकी छिन् । एजेन्सी
