बैशाख २६ । यस सिजनको युरोपा लिगको फाइनलमा दुई इङ्ग्लिस क्लब प्रवेश गरेका छन्। म्यानचेस्टर युनाइटेड बिहीबार राति भएको दोस्रो लेग सेमिफाइनलमा एथलेटिक क्लबलाई ४–१ ले हराउँदै फाइनलमा प्रवेश गरेको छ।
पहिलो लेगमा युनाइटेड ३-० ले विजयी भएको थियो। खेलको ३१ औँ मिनेटमा माइकल जाउरेजिगरको गोलमा एथलेटिकले अग्रता लिएको थियो। बिहीबारको खेलका नायक भने माउन्ट भए।
सन् २०२३ मा चेल्सीबाट म्यानचेस्टर आएदेखि चोटसँग सङ्घर्ष गरेका माउन्टले मैदान प्रवेश गरेको १० मिनेट पछि नै पहिलो गोल गरे थिए। ७२ औँ मिनेटमा पहिलो गोल गरेका उनले इन्जुरी समयमा पनि गोल गरे। यस बिचमा कासिमेरो र हिजल्यान्डले युनाइटेडका लागि गोल गरेका थिए।
फाइनलमा म्यानचेस्टरले टोटनहाम हस्टस्पर्सको सामना गर्ने छ। एजेन्सी
