काठमाडौं, बैशाख १० । नेपाली कांग्रेसले वैशाख १७ का लागि तय गरेको केन्द्रीय कार्यसमिति बैठक स्थगित गरेको छ । कांग्रेसले अर्को सूचना जारी नहुँदासम्मका लागि पूर्वनिर्धारित केन्द्रीय कार्यसमिति बैठक स्थगित गरेको हो ।
‘नेपाली कांग्रेस केन्द्रीय कार्यसमितिको बैठक २०८२ वैशाख १७ गते बुधबार दिनको १ बजे पार्टीको केन्द्रीय कार्यालयमा बस्ने भनिएकोमा उक्त बैठक अर्को सूचना प्रकाशित नहुञ्जेलसम्मका लागि स्थगित गरिएको छ,’ मुख्य सचिव कृष्णप्रसाद पौडेलद्वारा जारी विज्ञप्तिमा भनिएको छ ।
यसअघि कांग्रेसले वैशाख २ गते विज्ञप्तिमार्फत नै १७ गतेका लागि केन्द्रीय कार्यसमिति बैठक बोलाइएको जानकारी दिएका थियो ।
उक्त बैठक स्थगित गरिनुको कारण भने कांग्रेसले खुलाएको छैन ।
