रत्ननगर, चैत २६ । चितवनको रत्ननगरमा गैंडाको आक्रमणबाट दुई महिला घाइते भएका छन् ।
मंगलवार दिउँसो १२:४० बजेको समयमा रत्ननगर नगरपालिका-७ बाघमारास्थित जंगलमा घाँस काट्न जाने क्रममा महिलाहरुलाइ गैंडाले आक्रमण गरेको हो ।
घाइते हुनेहरुमा रत्ननगर-७ बस्ने वर्ष ५२ की ठुली तामाङ र सोही ठाउँ बस्ने ५६ वर्षीय जानकी महतो रहेका छन् ।
दुवै जनाको अवस्था मध्यम छ भने भरतपुर अस्पतालमा उपचार भइरहेको जिल्ला प्रहरी कार्यालय चितवनका प्रवक्ता रवीन्द्र खनालले बताए ।
