चितवनको खैरहनीमा घरको छतबाट लडेर एक पुरुषको मृत्यु

चितवन । चितवनको खैरहनी नगरपालिका–५ सलौलीस्थित एउटा तीन तले घरको छतबाट लडेर एक पुरुषको मृत्यु भएको छ ।

सोमवार दिउँसो करिब २ बजेको समयमा छतमा गएर फोनमा कुराकानी गरिरहेको अवस्थामा अचानक छतबाट लडेर खैरहनी–१ घरभई खैरहनी–५ मा स्थानीय गोकर्ण सिलवालको घरमा कोठाभाडा लिई बस्दै आएका ५० वर्षीय हरि सिलवालको मृत्यु भएको प्रहरीले बताएको छ ।

उनको भरतपुर अस्पतालमा उपचारका क्रममा सोमवार दिउँसो २ः३३ बजे मृत्यु भएको हो ।