भदौ १५ । नेपाल ‘ए’ क्रिकेट टिमले आसाम प्रदेश क्रिकेट संघमाथि लगातार दोस्रो जित निकालेको छ। शनिबार राति सम्पन्न खेलमा सन्दीप जोराको सानादर अर्धशतकको साथमा नेपालले आसामलाई ९ रनले हराएको हो।
यो अभ्यास खेलको जितसँगै नेपालले ५ खेलको सिरिजमा २–१ को अग्रता लिएको छ। पहिलो खेलमा डक वर्थ लुइस ९डीएल० पद्धतिका आधारमा १५ रनले पराजित भएको नेपाल दोस्रो खेलमा ९६ रनले विजयी भएको थियो।
शनिबार भएको खेलमा सुरुमा ब्याटिङ गरेको नेपालले आसामलाई १९७ रनको लक्ष्य दिएको थियो। टस हारेर सुरुमा ब्याटिङ गरेको नेपालले पूरै २० ओभर खेल्दै ६ विकेटको क्षतिमा १९६ रन बनाएको हो। नेपालका लागि सन्दीपले सानदार अर्धशतक बनाए। ४८ बलको सामना गरेका उनले ७४ रन बनाएका हुन्।
आदिल आलामले ३५, तिर्थराज दास ३३ रन बनाउँदा कप्तान अनिलकुमार साह ३१ रन जोडेका थिए। आसामका आकाश सेनगुप्ताले दुई विकेट लिए।
जवाफी ब्याटिङमा पूरै २० ओभर खेल्दै आसामले मात्र १८७ रन बनाउन सक्यो। आसामका निहार डेकाले सर्वाधिक ४० रन बनाउँदा कप्तान सुमित घाडीगाउँकरले ३६ र अब्दुल अजिज ३१ रन बनाए।
नेपालका कमलसिंह ऐरी, आकाश चन्द, विवेककुमार यादव र बसीर अहमदले समान दुईदुई विकेट हात पार्दा आदिल आलमले एक विकेट लिए।
