रत्ननगर, माघ ५ । रत्ननगर महोत्सव परिसरमा आयोजना गरिएको रक्तदान कार्यक्रममा २०७ युनिट रगत संकलन भएको छ ।
ब्लड डोनर सोसाइटी रत्ननगरले आयोजना गरेको रक्तदान कार्यक्रममा २०७ जनाले रक्तदान गरेको र ५ हजार बढीलाई रक्तदानको लागि उत्प्रेरणा प्रदान गरिएको ब्लड डोनर्स सोसाइटी नेपाल रत्ननगर कमिटी अध्यक्ष रमेश नेपालले जानकारी दिए ।
रक्तदान गर्ने मध्ये ६० प्रतिशत नयाँ रक्तदाता रहेको उनले बताए । समापन कार्यक्रमा रत्ननगर उवासंघका अध्यक्ष तथा महोत्सव मुल समारोह समितिका संयोजक शंकर गिरीले महोत्सव स्थलमा आएर रक्तदान गर्ने प्रति आभार प्रकट गर्दै रक्तदान कार्यक्रमले महोत्सवको गरिमा बढाएको बताए ।
समापन कार्यक्रममा ब्लड डोनर्स सोसाइटीका केन्द्रीय सचिव अन्जन तिवारी, जिल्ला अध्यक्ष एकराज बुर्लाकोटी, सचिव विपीन पाठक, रत्ननगरका सल्लहाकारहरु सुरज अधिकारी, बसन्त राना लगायतको उपस्थिति रहेको थियो ।
सचिव रामु पौडेलले सञ्चालन गरेको उक्त कार्यक्रममा उपाध्यक्ष तथा कार्यक्रम संयोजक शिव रेग्मीले कार्यक्रमको उद्देश्यका बारेमा प्रकाश पारेका थिए ।
सोसाइटी रत्ननगरलाई रक्तदाताको नगरको रुपमा घोषण गर्दै टिकौलीमा होडिङबोर्ड समेत राखेको छ ।
