रत्ननगर, मंसिर २६ । रत्ननगर- ७ मा रहेकाे साैराहा आँखा उपचार केन्द्रमा निःशुल्क स्वास्थ्य शिविर सञ्चालन गरेको छ ।
शान्ति सेवा गृह तिलगंगा काठमाडौं, ग्रीन साेसाईटी पब्लिक स्कुल र ग्रीन शोसाईटी नेपालकाे संयुक्त आयाेजनामा शुक्रवार निःशुल्क स्वास्थ्य शिविर सञ्चालन गरेको छ ।
काठमाण्डाैंबाट आएका विशेषज्ञ चिकित्सकद्वारा मिनि अस्पताल सञ्चालन गरी निःशुल्क स्वास्थ्य शिविर सञ्चालन गरिएकाे ग्रीन शोसाईटी नेपालका महासचिव शिरलाल परियारले जानकारी दिनुभयाे ।
उक्त शिविरमा ३ सय ६५ जना वृद्धवृद्धा, २ सय ५० जना बालबालिका र ९८ जना आँखाका बिरामी गरि ७ सय १३ जनाकाे स्वास्थ्य परिक्षण पश्चात् नि:शुल्क रूपमा औषधि वितरण गरिएको थियो । साेहीक्रममा परीक्षण गरिएका ९८ जना आँखाका बिरामीमध्ये ३० जनाको अपरेसन गर्नुपर्ने भएकाले ती बिरामीहरूको केही दिनमा नै निःशुल्क रुपमा आँखाको अपरेसन गरिने उहाँले जानकारी दिनुभयो ।
चिकित्सकको टोलीले सामान्य जाँच, दन्त, स्त्रीराेग, भाैतिक चिकित्सा प्रयाेगशाला, आँखा जाँच गरेपछि औषधि, ब्रस, मञ्जन, लिटाे बितरण गरिएकाेछ ।
बिभिन्न रोग लागेर अन्यत्र गएर चेक जाँच गर्न नपाएकाहरुको उपचार गर्ने उदेश्यले बृहत निःशुल्क स्वास्थ्य शिबिर राखिएको परियारको भनाई छ । घर छेउमै बिभिन्न रोगको परिक्षण गर्न पाउदा स्थानीयहरू खुसि भएकाछन् ।
स्वास्थ्य जाँच गराउनेमा महिला, बालबालिका र ज्येष्ठ नागरिकको सङ्ख्या बढी भएको परियारकाे भनाईछ ।
हेर्नुनुहाेेस् भिडियाे :
