रत्ननगर, मंसिर १० । रत्ननगर नगरपालिका वडा नं १५ मा भोली विहीबार देखि लोकसेवा तयारी कक्षा सुरु हुँदैछ ।
वडा कार्यालयले ६० दिने तयारी कक्षा आयोजना गरेको हो । लोकसेवा सारथी प्रा.लिको सहजीकरणमा हुने सो कक्षामा ३० जना सहभागी हुँदैछ ।
गरिबी न्यूनीकरण गर्दै वडा भित्रका युवाहरुलाई सरकारी सेवामा अबसर प्रदान गर्ने उद्देश्यले सो वडा कार्यालयले विगत चार बर्षदेखि लोकसेवा तयारी कक्षा सञ्चालन गर्दै आएको छ ।
तयारी कक्षामा सहभागीहरुलाई लोकसेवा परीक्षाको लागि आवश्यक पर्ने किताब निःशुल्क रुपमा प्रदान गरिने छ ।
वडाध्यक्ष आशिक तामाङले निजामती सेवा प्रवेशमा सहजताका लागि वडा कार्यालयले हरेक बर्ष लोकसेवा तयारी कक्षा सञ्चालन गर्दै आएका बताए ।
विगतमा हामीले युवालाई सीप सिकाउने नाममा ठुलो बजेट खर्च गर्दै आयौं उनले भने तर ति युवाहरुलाई स्वदेशमै रोक्न सकिएन ।
सरकारी सेवा मार्फत युवाहरुलाई स्वदेशमै अड्याउनु पर्ने अबस्था आएको भन्दै उनले लोकसेवा तयारी कक्षा मार्फत युवाहरुलाई सरकारी सेवामा प्रवेश गराउनु मुख्य उद्देश्य रहेको बताए ।
अहिले सम्म सो वडा कार्यालयले १२० जना युवालाई लोकसेवा तयारी कक्षा सहभागी गराइसकेको छ ।
