काठमाडौं, साउन १९ । कक्षा १२ को ग्रेड वृद्धि परक्षा आगामी भदौ २८ र २९ गते गरिने भएको छ।
राष्ट्रिय परीक्षा बोर्डले सोमबार नतिजा सार्वजनिक गरेपछि ननग्रेड ३८.८३ प्रतिशत विद्यार्थीका लागि भदौ २८ र २९ गते उक्त परीक्षा सञ्चालन गरिने भएको हो ।
बोर्डका अध्यक्ष महाश्रम शर्माले उक्त पूरक परीक्षा (ग्रेड वृद्धि) मा अहिले ननग्रेडेडमा परेकाहरू सामेल हुनेछन् ।
यस पटक सबैभन्दा धेरै ६६ हजार २७५ जनाले अंग्रेजी विषयमा ननग्रेड ल्याएका शर्माले बताएका छन् ।
राष्ट्रिय परीक्षा बोर्डले सार्वजनिक गरेको नतिजाअुनसार कक्षा १२ मा ६१.१७ प्रतिशत उत्तीर्ण भएका छन् ।
यसअघि यस वर्षको कक्षा १२ को परीक्षा गत वैशाख २१ गतेदेखि भएको थियो।
यो परीक्षामा पाँच हजार २०२ विद्यालयका नियमिततर्फ एक लाख ९८ हजार ८७५ छात्र सहभागी थिए । त्यस्तै एक लाख ९७ हजार १३ छात्राले पनि परीक्षा दिएका थिए । तीन लाख ९५ हजार ९०८ ले परीक्षा दिएकोमा गत वर्षभन्दा यस पटक ९ प्रतिशत धेरै पास भएका छन् ।
