चितवन, जेठ १७। दोश्रो संस्करणको माधवपुर गोल्डकप फुटबलको उपाधिका लागि एपीएफ र अभिषेक चर्च रजहर बीच प्रतिष्पर्धा हुँदैछ । आज दिउँसो ३ बजे रत्ननगरको वडा नं. १५ माधवपुर स्थित माधवपुर खेल मैदानमा हुने उपाधि भिडन्तमा दुबै टोली उपाधि हात पार्न उच्च मनोबलका साथ मैदानमा उत्रिने छन् ।
पहिलो सेमिफाइनलमा हेटौंडा फुटबल एकेडेमीलाई ट्राईब्रेकरमा ७-६ ले पराजित गर्दै अभिषेक चर्च उपाधि नजिक पुगेको हो भने दोस्रो सेमिफाइनलमा न्यू पञ्चदिपलाई १-० अन्तरले पाखा लगाउँदै एपिएफले अभिषेक चर्चसँगको भेट पक्का गरेको हो ।
माधवपुर खेलकुद विकास समितिको आयोजना र एक्सपर्ट एजुकेशन एन्ड भिजा सर्भिसेज प्रा।लि।को मुख्य प्रायोजनमा भईरहेको प्रतियोगिताको विजेताले २ लाख २२ हजार २२२ रुपैयाँ प्राप्त गर्नेछ भने उपविजेताले १ लाख ११ हजार १११ रुपैयाँ पाउनेछन् ।
